يا خيبتو
كلمات اغنية يا خيبتو نوال عبد الشافي
انا حاطة عينيا عليه انا عارفة بيعمل ايه
لا وكمان مش هغلب فيه
لسة صغير مش قدي
يمشى اعرف رايح فين
ييجى اعرف جى منين
كلم مين وقعد مع مين
انا اخباره كلها عندي
يا خيبتو يا ويله يا مصيبته
يا نهاره ويا سواد ليلته
لو فكر يوم يزعلني
يا حوستو ده يتقطم وسطه
لو هتهلوسله هلوسته
ويفكر يوم يغيب عني
لو راح في مكان ومقالش
مع ان ده مابيحصلش
عيني عليه ومابغفلش
والعصفوره تيجي تقولي
انا من غير ما امشي وراه
طول الوقت مراقباه
واعرف مين اللي معاه
انا كل حاجة بتوصلي
يا حظو لو شيطانه وزو
انه يجرب معايا حظه
ويبص لواحده تاني غيري
يا غلبه ويا وجع قلبه
ده بشوقه وذنبه على جنبه
لو راح اي حتة من غيري
لو سابنى وراح مشوار بلقطه وكاني رادار
بعرف كل الاخبار من اولها لاخرها
انا واثقة انه مايغلطش
انا عارفه انه مايقدرش
لكن برضو انا مضمنش
في حاجات يقدر يعملها