كلمات اغنية موجوع طارق الشيخ

كل اما بشد حيلي بتهد من تاني، متقفلة معايا وكانها معانداني. موجوع وراضي باللي انكتبلي انا، مبقولش ليه مهما حصلي انا وحداني.

ماشي واديني عمال بخبط فيها، جاية عليا وماصعبتش عليها. ياه ع المرار مابقاش خلاص فيا، مش لاقي ليا لا ضهر ولا دية.

انا ابن حلال لكن الحال قافلها تملي قدامي، وتوهت عشان اعيش في حلال ولا ضكتلي ايامي.

ايام وعايشها بالعافية ودايما عدمان العافية، مع ناس مالهاش ضمير خالص. وبقوم واقع وباتحمل وانا طالع عيني وبكمل، من كتر همومي انا مش ناقص.

تايه وتملي انا مغلوب على امري، قليل الحيلة والشكوة ماعرفتهاش عمري. يا اما ابيع ضميري واقول بقى يلا نفسي، يا اغمض عيني واطاطي واعيش مكسورة نفسي.