ملناش غير بعض
ملناش غير بعض انا وانت يا غالي
و لو زعلان من حاجة قولهالي
تعالى في حضني وريح بالي عليك مشغول
زعلان متغير مالك ما تقول
متخليش بعدنا وفراقنا يطول
تعالى لومني حبيبي وعاتب وانا لو غلطان نتحاسب
على بالي هواك والقلب معاك وعليك مقفول
انا قلبي ليلاتي بيسألني عليك
وحشاني ملامحك وحشاني عينيك
فيه ما بينا سنين عشناها ولا يمكن يوم ننساها
بستنى لقاك طب فين القاك او فين اراضيك
ووعد عليا في عيني هشيلك
هبقى نهارك وهبقى انا ليلك
صدق اني انا اللي باقيلك مهما يطول
ايامي في بعدك مش راضية تفوت
يا هعيش العمر في قربك يا هموت
روح قلبي حبيبي وغالي انت الكون بالنسبالي
متعلق بيك وبعمري شاريك وادي روحي فداك
انا لو هوصفلك مدى شوقي اليك
العمر هيخلص ولا هيكفيك
نورت سمايا نجوم وبيك بنسي انا اي هموم
في الحزن دوايا وفرحي معايا مليش بعديك