ماما زمانها جاية
ماما زمانها جاية جية بعد شوية
جايبة لعب وحاجات
جايبة معاها شنطة فيها وزة وبطة
بتقول واك واك واك
عارف الواد اللي اسمه عادل
جه الدكتور وعمله ايه
لقى رجليه كانوا زى الفتلة
بص شوية جوة عنيه
راح مديله حقنة كبيرة
عارف اداله الحقنة ليه
مابيشربش اللبن الصبح
وكل اصحابه ضحكوا عليه
واهو من يومها شرب وبيكبر
واتراباله عضل قي ايديه
واحمد برضو ايده مربوطة
ومامته عارف ليه مخاصماه
كان بيحب تملي يلعب
بالكبريت ويشيله معاه
وفي يوم جاب كام عود ولعهم
واخته بوسي كانت شايفاه
راحت النار ملهلبة ايده
ولسة ايديه الاتنين واجعاه
واهو من يومها لا بيتعفرت
ولا بيشيل كبريت وياه
وسعاد ابلة زعلت منها
خالص خالص من شهرين
مابتحفظش الدرس وتكذب
وكمان ضاع منها كتابين
وبتتشاقى جوة الفصل
وكان ترتيبها العشرين
لما ذاكرت وبقت حلوة
ابلة خدتها مع الشاطرين
جت شهادتها اخر مرة
وكانت الاولى من تلاتين