كلمات اغنية قل ليش فهد الكبيسي
قل ليش تطلق حالة من الحزن والألم وقد جاء فيها ما يلي
عمري والقلب متولع في حبك والهموم جبال
جلاد الهوى ماشي بكرباجه على صدري
هذري بالوصال ومال ورا درب الفراق وصال
ويا خوفي يضيع العمر في غيابك ولا اذري
اسميك المطر قل ليش لجل افوز بالهمال
واشوفك تنهمر في ارض ربي ما تجي قبلي
اسميك القفر قل ليش لجل ادرك سراب اللال
واموت من العطش وارتاح من ذلي ومن قهري
اسميك البحر قل ليش لجل اصارع الاهوال
واقول ان البحر غدار لكن للاسف مغري
اسميك الفخر قل ليش لجل احطلك تمثال
واجاوب كل من يسأل هذا اللي كسر ظهري
اسميك القهر قل ليش لجل اجر لك موال
وتبكي انت والعزال والعصفور والقمري
اسميك الفجر قل ليش لجل تحطم الآمال
تاخذ في طرف فجرك اول شعشعة فجري
احس اني اسيرك واشكي في بعدك الاغلال
سهر ودموع ومناجاة نجوم وكوب سحري
اسميك السهر قل ليش لجل تزيد بي غربال
وتتركلي حنين العمر فيني قبل ما تسري
اسميك القمر قل ليش لجل اكايد العذال
توريهم محاسن من قصف عمري وحفر قبري
اسميك العمر قل ليش لجل اشياء ما تنقال
مثل واحد يبيع العمر وواحد ما يبي يشري
معلومات و تفاصيل
| كلمات | الشاعر السعودي سلطان الحربي |
| الحان | عبدالله المناعي |
| توزيع موسيقي | سيروس عيسى |
| هندسة صوتية | عمار خاطر |
| ميكس و ماسترينغ | جاسم محمد |
| تسجيل | استديوهات فهد الكبيسي – قطر استوديو صوت الحب – مصر استديو باسنكوي – تركيا |
| ايقاعات | ابراهيم حسن |
| جيتار | شريف فهمي |
| كمنجة | محمد مدحت |
| فيولا | تامر فيضي |
| تشيلو | ايمن الحنبولي |
| ستايلست | رينا ابو شقرا |
| عمليات انتاجية | براند ميديا | Brand Media |
| اخراج | جورج لابا |
| شكر خاص | الاستاذ مبارك العوامي و جاسم القاضي المؤسسة القطرية للاعلام | Qatar Media Corporation كتارا | Katara – غاليري لافاييت | Galeries Lafayette مشيرب قلب الدوحة | Msheireb Downtown Doha شركة الاصمخ للمشاريع العقارية |
| سنة الانتاج | 2021 |
| الطرح الرسمي | 24/06/2021 |