خيمتك
حسين (4)
هنيالي اشوفك بالضوه وبالماي قران
ماشوفك بدوم ورمح وبعازة اخوان
يحسين انت بثورتك سويتني انسان
كبل لا اعرف عاشور رابي بخيمتك
يا سيدي كل الخير شفته بخدمتك
ياما نخيتك يمي لكيتك ماسح دمعتي
لو ما محبتك جا ما عرفتك صاير شمعتي
ادروس بالطف قدمت من شمسك افياي
عبد الله جان ازغر درس مارايد الماي
جانت رسالة بركبته وضيعها رماي
بس اعداك من شافوك غالي بمظهرك
طمعانين على الدينار باعوا منحرك
حتى بنهرهم زرعوا حقدهم ماينطي بيهم
وانت باحساسك لاخر انفاسك تبجي عليهم
كاتب رسالة بمنحرك للشايل احساس
الرمح ماتت سمعته وظل عايش الراس
لو عدهم اوشالة وعي ماجان تنداس
جانت طيحتك شلال طعم المرجلة
اسمك ماي وره الكاع مو بس كربله
للضيم عياله دمك رسالة كاتبها بيدك
خدامك اهواي اكثر من الماي تروي بوريدك