خير

كان نفسي اطمن قلبكم بس الموضوع كبير
واكمني عايش وسطكم وبشوف بلاوي كتير
يؤسفني جدا اقولكم ان احنا مش بخير

خير هيجي بس منين الخير والناس كارهة لبعض الخير
ومعدش فيه رحمة ولا ضمير واقرب ناس لينا بتاذينا

متفرعنين ونازلين ظلم وقسوة في بعض عشان
مغرورين ومحدش بقي مالي عنينا

طماعين وناكل مال النبي منقولش حرام
ومسروعين ع الدنيا والقرش عامينا

وفى اذى بعض بقينا شاطرين وشنا مكشوف بجحين
وواقفين زي اللقمة في زور بعضينا يا رب

يارب الطف بينا وهاتها جمايل واصلح حالنا عشان بقي مايل
الناس عاملة في بعض عمايل تخلي اللي مابيشوفش في نعمة

كله معبي في قلبه وشايل كره وغل يسوي هوايل
كله بقي بميت وش وعامل نفسه مفتح في زمان اعمى

خير هيجي بس منين الخير والاشكال الضالة كتير
وكل مانعمل فيهم خير ينكروا خيرنا ويغدروا بينا

راحوا فين الناس اللي كانت وقت الشدة امان
المخلصين محتاجينهم اوي وسطينا

قليلين وبقوا نادرين في زمنا اوي الجدعان
والموجودين كلهم ناس سو لئيمة

ليه زمنا بقي مخيف ويخض ومحدش مستحمل حد
وبجد مابقيناش ليه طايقين بعضينا يارب

يارب الطف بينا وهاتها جمايل واصلح حالنا عشان بقي مايل
الناس عاملة في بعض عمايل تخلي اللي مابيشوفش في نعمة

كله معبي في قلبه وشايل كره وغل يسوي هوايل
كله بقي بميت وش وعامل نفسه مفتح في زمان اعمى

تفاصيل و معلومات