خلف خلاف
يا دنيا انا وانتي خلف خلاف
لكن بطلت انا منك اخاف
اكيد ورا كل جرح كبير
فيه فرح لكنه مش متشاف
ظروفك مهما يوم ضاقت
ومهما عملتي يوم فيا
تسدي في وشي مليون باب
تضايقيني وايه يعني
انا كويس ولسة شباب
ولسة الارض هتساعني
ولسة العمر شايل خير
هشيل الهم وازعل ليه
وعندي يقين في رب كبير
يعين قلبي على اللي انا فيه
ولسة هحب ولسة هعيش
لاخر لحظة وانا مبسوط
هقابل ناس جداد تانيين
واعوض كل يوم بيفوت
لا اموت م الخوف في يوم ابدا
ولا حتى هخاف م الموت