جابوا سيرته
جابوا سيرته في وسط موضوع قولت اسمع
قولت يمكن احن تاني ويمكن ارجع
والكلام جاب بعضه فجأة بدأت اركز
قالوا عايش عادي قالوا كلام ينرفز
سمعت عنه حاجات ياريت ماسمعتها
بيقولوا قابل واحدة بعدي وحبها
حاولت اتوه في الكلام على قد ماقدر
مش عايزة اسمع حاجة عنه وعنها
كان نفسي اهرب من كلامهم خوفت امشي لياخدوا بالهم
ولو مشيت هيبان عليا
واخاف لضعفي يبان في عيني يا ارض انشقي وابلعيني
قبل ما يبان اللي فيا
جابو سيرته في وسط موضوع قولت اسمع
وقفت حياتي كلها في اللحظة ديا
وكإني تايهة ودنيتي بتلف بيا
من ارتباكي وحزني كنت بداري وشي
قولت اعذروني انا لازم اخد بعضي وامشي
وهي دي الجملة الوحيدة اللي قولتها
وسمعت صوت بيقول سيبوها لوحدها
وتعدي كل الذكريات قدام عينيا
معقول خلاص كل اللي كان بينا انتهى
كان نفسي اهرب من كلامهم خوفت امشي لياخدوا بالهم
ولو مشيت هيبان عليا
واخاف لضعفي يبان في عيني يا ارض انشقي وابلعيني
قبل ما يبان اللي فيا
جابوا سيرته وغلطتي اني فضلت اسمع
| البوم | في قربك |
| تاليف | الشاعر عبدالرحمن محمد |
| الحان | الملحن مدين |
| توزيع موسيقي | الموزع احمد ابراهيم |
| تنفيذ وتريات | تامر غنيم |
| جيتار | مصطفى اصلان |
| كلارنيت | حموصو |
| تسجيل غناء | مهندس صوت احمد ابراهيم |
| ميكساج | مهندس صوت احمد ابراهيم |
| انتاج | شركة ستار جيت Star Gate |
| توزيع | روتانا Rotana |
| السنة | 2019 |
| الطرح الرسمي | 27/08/2019 |