اناظر الشباك

اناظر بعدك الشباك واكلم كل جدرانه
من غيابك على هالحال هبوبك تعزف الحانه

حزين وفي يدي شالك اشمه كل ما حنيت
واضمه واحبس دموعي لجل ما تبهت الوانه

تطيح من السماء قطرة تبلل ريق امانينا
وانا اسمع صوت اماكنا تنادينا باسامينا

كان ما مرها عشاق سوانا ولا جلس فيها
كان الغيم يقصدنا كانه حس هو فينا

تشوف الحزن في عيني يحزن كل من شافه
وقلبي من كثر شوقه عليل وباردة اطرافه

ملامح وجهي في بعدك تعطيني عمر اكبر
تعال وطمن احساسي وقله يدخل الحافه