كلمات اغنية انا موجود مصطفى حجاج

لو تحب تلاقي دايما حد حابب يبقى سامعك
لو في يوم احتاجت صاحب ولا حضن يواسي دمعك
لو لقيت الناس بتفرح وانت زي حالاتي وحدك انا موجود

لو ساعات تشتاق لحد بيلقى عذر لكل غلطة
لو سرحت في حلم فاتك ولا قلت هعيشه امتى
لو مناك يبقى في حياتك حد قابلك زي ما انت انا موجود

تعالى ابدا معاك عمري واقاسمك فرحتي وحزني
لو تحتاجني انا جنبك وملكك وقت ما تعوزني

بروحي وقلبي انا جايلك ناديني وبين ايديك خدني
دة بين كل اللي في الدنيا ملكش احن من حضني

لو لقيت الوقت بين جوة منك حاجة ليا
لو حياتك صعبة يمكن تبقى اجمل بيك وبيا
لو نويت تدخل في قلبي ويبقى عندك ملك فيا انا موجود

ايوة لسة الدنيا فيها ناس بتفدي اللي يامنها
فيها حد بيدي حاجة وهو حارم نفسه منها
فيها حب معاه هتعرف كل حاجة سمعت عنها انا موجود