اظل محبوب

عبالي راح اضل محبوب ثاري المثلي مامرغوب
هسة الطلب عالموزين على اللي يمشي بالمكلوب

اعاشرهم على الحلوة وعلى المرة واكول تهون
عشرتهم كذب وياي وكت الصدك كلها تخون

ذنبي امنت بيهم واني اعرفهم يغدرون
شلون بكلبي ماادري اكله توب بس ميتوب

عشت بالذلة يم هالناس عالم ماكو بيها احساس
غشيم وماشي ابيض عود تالي شيبولي الراس

ادري الحب ولا يسوه وترى العشرة يا ناس تروح
هذوله مو وجه نعمة شفت منهم قهر و جروح

وفيت شكد وفيت اني تالي طلعوها الروح
ادري العيشة وي هالناس تجيني منها بس ذنوب