كلمات اغنية اجمل اشيائي سلطان البقمي
كلمات اغنية اجمل اشيائي سلطان البقمي مكتوبة
جابك الله يا حبيبي يوم فيك الحظ قام
انت وحدك تلفت النظرة وهو اللي ابيه
جيتني حب عفيف وجيت لك كلي هيام
كل يوم اسال ضميري بين كيف وبين ليه
معك رافقت السعادة ذقت من طعم الغرام
يا الوليف اللي ملك قلبي غرامه واهتويه
ضعت فيك ولاحدن قبلك خذا مني اهتمام
انت ذاك اللي سنين العمر طافت واحتريه
نور الكون بعيوني وانجلى ذاك الظلام
انت نور دروبي اللي دلني يوم اهتديه
المشاعر في وصالك ياحبيبي ما تلام
يا اجمل اشيائي الجميلة مالك بغيرك شبيه
في حضورك يا منايا تضحك الدنيا سلام
ولو تغيب شوي عني المحك بين الوجيه
ما تفارقني ثواني حتى في احلام المنام
كل يوم ابدا غلاك اللي عساني ما انتهيه
لك بقلبي حب عذري ولك تقدير ومقام
يا بعد عيني وروحي قلبي اللي محتويه
وما يوفيك القصيد ولا يوفيك الكلام
كل بيت لجل عينك اكتبه وابدعت فيه