اني زين

اني زين لحد يضل باله يمي
ولو منو يسال عليه او يمر اباله اسمي
ربعي خلصت مصلحتهم صار يكرص هسه رقمي

وصرت مو من مستواهم دتهدوا بالله
لا يا عمي الحمد لله

بخير عايش ما ردت ليشيل همي
اتعودت بالشدة وحدي وما اشوف انسان يمي
اني زين لحد يضل باله يمي

ولا يغرك عدد خمسين والمية
ربعي هواي بس بشدتي شوية
كلشي نطيتهم ربعي سند للعوز
اعتازيت ونطوا لكن نطوا بيه

اصعد سوكهم سويتهم يسوون
واني السوقي عالي رخصوا بيه
اليكصدني اصيرن يا هلا وحياك
وكبل لا يحجي اكله الشغله مكضيه

وعليه يحجون ويوصلني الحجي اليحجوا
وابررها واكولن عن حسن نية
يجرحوني واحبهم ما عتبت بيوم
اعاتب فشلة اكول الدنيا مكضية

يطعنوني بكفاي وربعي اكول اعزاز
انطي بربعي ليش مسودن شبيه
ويوميه اكول تهون ميقصدون
وبظهري انطعن ظليت يوميه

افرح للفرح ودليحزن ابجي وياه
وياهم لاغي كلمة انا شعلية
امر بوجوهم والكاها كلها ثكال
لان خف جيبي محد ما يمر بيه

وانا الهم هلا دكيت فوك الباب
وافرح لو صديقي يمرني طاريه
بس ما الومهم اذوني حيل وياي
كل الصوج مني والغلط بيه

معلومات قصيدة اني زين ضياء الرسام