اني وياك
اني وياك نطير لاخر نجمة ويمكن نتعداها
احنا اثنين گبال الدنيا وواجهناها
قصة تخلي الواحد يفرح من يقراها
اقوى انسان بهذا العالم وانت بضهري
ممكن ايدك يا مصباح الحب السحري
اطلب منك تبقى وياية لاخر عمري
نبقى سوا عطرك اهم من الهوا
ايدك على جروحي دوا
وانت وياي ماابالغ لو كتلك صار العالم وردي
وشتمنه اكثر مادام انت وعينك عندي
حبك مثل الجنة ولكن الية لوحدي
لا تشيل الهم يمك باقي وما اتخله
مثل النورس باصعب فتره وضل يم دجله
مصدر قوتي وبيك الكون بكبره احتله