كلمات لطمية جاه الطبيب مصطفى الربيعي
كتبها : الشاعر المرحوم ملا عطية الجمري
الحان : الملحن مصطفى الربيعي
توزيع موسيقي : الموزع حذيفة الفارس
ميكساج وماسترينغ : مهندس صوت حسين الطليباوي
انتاج : قناة النجباء الفضائية
تاريخ الطرح الرسمي : 02/04/2019
جاه الطبيب و عاينه و الدمع منه سال و يكول يا هالناس هالمسموم ماله ارجال
مرمي بجسر بغداد يا كعبة الوفاد و يكول يا هالناس هالمسموم ماله ارجال
ان جان يا ابني سويد اله عزوة و عشيرة و كوم يتناهضون الطلب ثاراته ترى مسموم
يولاد عدنان و مضر قلت حميتكم ما تنهضون بعجل و تشيلون ميتكم
فرسان هاشم وين عنك ما يحضرون منهو حضر يمك و منهو غمض عيونك
يا مهجة الزهراء و يا بحر العلم و الجود ما جنك ابن المصطفى فوق الجسر ممدود
حبسك يالسجان لا للدين ضميته ولا راقب جده و تالي الامر سميته
ميت ولا شالوا يا ويلي عنه قيوده حتى العدو الشامت دموعه تسيل بخدوده
مرمي بجسر بغداد يا كعبة الوفاد و يكول يا هالناس هالمسموم ماله ارجال
جاه الطبيب و عاينه و الدمع منه سال و يكول يا هالناس هالمسموم ماله ارجال