كلمات اغنية فاكرني مرتاح محمد عز

مين في الدنيا دي مرتاح
مفيش والله حد سليم
قلوب الكل فيها جراح
وكلها ماشية بالتلصيم

وانا بتقسم نصين يوماتي الف مرة
وتملي بحمد ربنا على كل حال
والناس مبتشوفش القلوب شايفة اللي برا
والشكوى مش موجودة في قاموس الرجال

فاكريني مرتاح
علشان لقوني في وشهم بضحك تملي
فاكريني مرتاح
علشان مبحكيش ع اللي م الايام حصلي

بقع واقوم بقع واقوم في ساقية دايرة كل يوم
بلاش كلام مالوش لزوم خلاص تعبت من الكلام
فوق راسي دقت الطبول لا ضهري مال من الحمول
و ع اللي فيا مش بقول واديني عايش والسلام

كتر الوجع قواني ومكسرش فيا
والضرب فين يوجع ومن كل اتجاه
رب العباد هو اللي عالم باللي بيا
واقف على حيلي ومقولتش مرة اه

فاكريني مرتاح
اكمني عايش دنيتي وروحي راضية
فاكريني مرتاح
وانا اللي خدت في قلبي مليون ضربة قاضية

واقع واقوم واقع واقوم في ساقية دايرة كل يوم
بلاش كلام مالوش لزوم خلاص تعبت من الكلام

فوق راسي دقت الطبول لا ضهري مال من الحمول
و ع اللي فيا مش بقول واديني عايش والسلام

معلومات و تفاصيل