امي

كلمات : الشاعر الاماراتي علي الخوار

الحان : الملحن حسين الجسمي

تاريخ الطرح الرسمي : 19‏/03‏/2019

يا امي يا غلا الدنيا و اصدق عاطفة في الكون

و ادفى حضن يحضني و اكبر قلب يحويني

انا بك دنيتي جنة و بسماتك مطر و نزول

و ضحكاتك ربيع اخضر زهوره فتحت فيني

اذا شفتج ارى الدنيا صباحا بالفرح مسكون

و اذا غيبتي عن عيوني يغيب النور عن عيني

عشقتج و الهوى طفل ربى في خافقي المفتون

كبر هذا الطفل و اصبح غرامه يسبق سنيني

انا يا امي انا يا امي ترى ما اوفيج مهما يكون

جميلج دين في عمري و ربي بك موصيني

و مهما عشت لك وافي بظل الوافي المديون

لانك روح في قلبي و دم في شراييني

الى الله رافع كفي دعاي انه مرضك يهون

عسى يشفيك لي ربي يا امي يا نظر عيني

ومهما عيشت لك وافي باظل الوافي المديون

لانج روح في قلبي و دم في شراييني