ويلاه
ويلاه عل ما اخذني وياه، راح وتركني هنا
العنده قلب مكسور لو دمعة صب معذور
على البجي مرات تلكة البشر مجبور
هو القلب مو بير و الحزن سر يصير
طبع الدمع لو طاح بي يطلع المستور
سر اليحب بسكوت وبقلبه دافن صوت
ما لحظة ابد مرتاح يمكن يطك ويموت
مثل اليضم بالعين بحجاية البعدين
يبقى حجي المكتول بين العيون يدور
عندي انا صح لسان والكة الحجي خلصان
من يمك اوكف ليش ابقى اشبه الخرسان
كل ما اشوفك جاي محضر كلام هواي
وبكلمة اغص ظليت ماتنبلع بالماي