مرات

كلمات قصيدة مرات ادهم عادل

مو شرط اليحب دمعاته فتحت باب مرات اليحب بيبانه مقفوله. ومرات الدمع مايسكي رمش بعين ومرات الدمع من ينزل بطوله. وانا مغمض اشوف بجيدك الشريان مو انا الغشيم وناس يحجوله. مثل الدنيا من تعرف تأذي الناس اعرفنه الترف من طكة حجوله. وماكلك بقلبي شصار من صديت اليعشك من صدك البقلبه ميكوله اول مرة اشوف الظلمه نهر بكاع الليل بلا نجم للفارك شطوله. يلمخليني ارجف علم من الشوك طفل بمكبره واشباح طلعوله فرحتي بعينك انكسرت بلم بالروج مثل اب وتجيبه بنية مشلوله.

انا اعلم بالشجر جم وركه صفره اطيح بس وياك احس تاليتي مجهوله. وصاح بعدك صغير واني اخذني الشيب وبوجهي عجوز وناس معلوله مو كلمن كبر ينشمر ورقة بيير من يكبر الصوت يصير هلهوله. مرات العيون البارده تأذيك مو شرط التحبه عيونه حراكه وانا بجرفك البارد ضعت دمعه بريح مثل قلبك الضيع قلبي بفراقه. عفيه الشال لتذبه اطيح وياه لتوازيني اخلي عيوني تعلاكه لتوازيني اصرخ محترك بالليل وما اخلي غصن ماينزع اوراقه لتوازيني اباوع ع الشمس مكسور واخلي الدنيا كلها تصيح مشتاقه.

وما اعرف شسوي العمر طيره وياك لا انت التطيره ولا انت خناكه من تروح اخاف ويكثر الدخان ومن تحضني قلبي يموت باشواكه. مثل المكص من نفترق شر يصير ولازم ننذبح لو ردنا نتلاكه ولو فدوه العمر لو كله ضاع وياك يلتسوه الفجر من ينطي مشراكه فوت براحتك واستنكي مني ايام عمري انطيته لك علاكه علاكه.

تفاصيل و معلومات