كلمات شيلة نحث الركايب عبدالعزيز العليوي

نحث الركايب للوفا والامور بخير
ودقيق الامور اليا انكسر كسرة السقوة

تمر المواقف حدرنا كبر ظل الطير
ثقيلاتها لشعيل وان ما قواه اقوه

بلشنا بخلان الرخى ما نبي تبرير
يقفون حتى كلمة اخييه ما انطقوه

ياليت الحكومة تعتمد لوحة التحذير
واذا مروا بيوت الرديين علقوه

ماهو حب والله بالشماتة ولا التشهير
ولكن لنا وقفة مع الوقت وسرقوه

عسى الطيب الوافي من الغانمين كثير
رجال بغتهم شوفة النفس واطلقوه

على المصلحة ما الوم رجل يجيك مغير
ولكن الوم اللي ليا راحت لحقوه

نجامل مروة ونتجاهل ضحى وعصير
ولا نرجي التقدير من بارد السقوه

اذا خابت الهقوه بصاحب فحنا غير
بنا ما تخيب ولا تردى بنا الهقوه

واذا ما انت طلقة في سلاح الرفيق تصير
مع اللي تعداه الرجاجيل باللقوه

علو الهمم والوقفة اللي لها تقدير
عشقت المطنخ بالمناعير وعشقوه

رجال على الخوة مداهم مدايا بير
واذا شافوا اللي تجرح النفس ما اعتقوه

عليك بخوي يجعل الحاسدين تحير
حزام مجرب يكرب صدورهم حقوه

يخليك امير بعينهم وانت ما انت امير
هذا والله اللي يعتبر نقوة النقوه