كلمات اغنية نظرة وابتسامة يوسف الشهري

يعلم الله ماترك للبعد حل ولا طريقة
قفل ابواب الوصال وراح ماراجع كلامه

افترقنا والعذر قال القدر عارض طريقه
وانجبرت اخفي شعوري في محبته وغرامه

كيف هنت وليه ينقض عروة العهد الوثيقة
كيف ينسى وقفة اللي شاله ولملم حطامه

كنت اشوف احلام عمري في تفاصيله حقيقة
كنت اشوفه غير مانقصت قدره واحترامه

كان نسناس الوصال اعذب من الورد ورحيقه
وكان ميعاد اللقى لهفة ونظرة وابتسامة

كان مشهد دمعته موجع وموحش ما اطيقه
لاشكى لي ظرفه وضيقه وحزنه وانهزامه

انتهت قصة هوى كم عام من حب بدقيقة
وانكسر ضلع الطموح وطاحت دموع الندامة

للاسف ما كنت اظن ان الهوى يفقد بريقه
لين شفته في نهار البعد غارق في ظلامه

معلومات و تفاصيل