ندمان

ندمان يا روحي يوميه اعض اصبع ندم
مصدوم من عالم جانوا معيشيني بوهم

انطيتهم عمري انا بس البجي انطوني
بيمن اثق بيا بشر ع الشافته عيوني

عايش بوسط عالم غلط التهي رادوني
ضليت واكف ما طحت بس ولله صدموني

نادم عل كل التعب واسنيني ضاعت بعتب
ابجي وماينفع بعد الهم على روحي نكتب

لو ادري بغيابي هيجي يبيعوني برخص
ما جان كل عمري احجي تفاصيلي لشخص

ما يعبر العتبة بعد انسان مو كدها
والوادم الي ماتستحي من دربي ابعدها

هل طيبة لازم تنتهي واتوب من عدها
مديت ايدي واندمت لا بعد ما امدها

باليرضي الله عاشرت مو زين تالهيا صرت
اشلون يرتاح القلب مليت يا روحي وحرت