مستنيها ترجعلي

سايباني في عز ما محتاجها مكسور دلوقتي بسببها
وبقيت مش عارف اعمل ايه مش عارف اعيش

من اول موقف ظلمتني ما ادتنيش فرصة وسمعتني
وقالتلي انساني ودلوقتي ما تعرفنيش

حبيتها بجد ومن قلبي سيباني بذنب دة مش ذنبي
في البعد انا بحلف وبربي ما ارتحتش يوم

وياريت بقي حد يفهمها علشان مش عارف اكلمها
والدنيا في بعدي بتحلالها وبتشوف النوم

هافضل مستنيها ترجعلي مش هيأس ايه اللي هيمنعني
واننا نتفارق لا دي فكرة ما تريحنيش

لو فهمت هتكون ندمانة وتجيلي تقول انا غلطانة
علشان حكمت بقي وبسرعة وما عاتبتنيش

موجودة كتير ناس حوالينا عايشين علشان يفرحوا فينا
ما تشمتيهمش واي كلام ما تصدقيهوش

انا روحي بقت مربوطة بيكي بدعيلك ربنا يهديكي
والاقيكي راجعالي وبعدنا دة ما تطوليهوش