بيت جدتي الكبير
كلمات اغنية بيت جدتي الكبير محمود العسيلي
فتحت عينيا لقيت ناس ولمة وبيت
ويوم الجمعة مليان بعيلة بتملى المكان
حب كبير فرحة وخير واحساس بالامان
بيت جدتي الجميل
موجود هنا بقاله زمان بيت جدتي الكبير
كبار وصغيرين حابينه تاخدنا الدنيا ومش ناسينه
واللي سابونا مش سايبينه طيفهم بينا مالي الاركان
من بدري الصبح وانا صغير وولادي اهم والله ما اتغير
لعب وعيلة كانه عيد راحة ونور عمال بيزيد
في الدنيا دي لما جيت وخدوني وروحنا هناك
عيشت فيه كان ليا سبوع حلقات وبرجلات
شايف كل حياتي فيه حاجات جاية وذكريات
واول مرة فيه صليت وهنا كتابي اتكتب بيت جدتي الكبير
صواني بالكحك مملية فطار العيد ريحة الطعمية
الجمعة رز عليه ملوخية عادة لينا مهما نغيب
مهما مشيت فيه ليا مكاني مهما بعدت انا هرجع تاني
سايب فيه قلبي وعنواني دايما ليا الباب مفتوح