ما قلتلك

ما قلتلك من بعدك اصبحت نساي
اسف من انت اذكرك لحظات وانساك

ما كان نسيانك مثل شربة الماي
لكن هزمت اشواقي وحزن فرقاك

ما عاد تخطف دمعتي بحة الناي
و ما عاد اشوفك بين ذولا وذولاك

وما عدت ذاك اللي اجيلك من اقصاي
مثلك مثل هذا ومثلك مثل ذاك

احلوت ايامي والاحلى بعد جاي
عشت الحياه بدون ما اعيش وياك

ملامحك ضاعت على سكة خطاي
خلفي تركتك كيف قدامي القاك

واليوم شفني رحت ما قلت لك باي
قلبي تعدا الحزن فيه وتعداك

ولو قلت يا نساي انا ايه نساي
صدفة ذكرتك بس ذكرني انساك