ماتنسون

تعالوا الشيب بينه انشاف بقينه من المراية نخاف
اللي يلاكينه كام يكول خطية البشر من ينعاف

امده الدنيا بلياكم ارجعوا اخذونا وياكم
شنو معناها تبتعدون يالبلكوة جبناكم

حجزولنه من غبشه يمكم نفك ريجنه بمرمر كبركم
ماتنسون الله ولحد ونحبكم اكثر من اهلكم

زادت معزتكم وراها وارقامكم ما مسحناها
تريد لهه حجة وتخرب العين وفراكم حرض عماها

ليش انحرمتو من الهوه حسبالنا نكبر سوه
ببيوتكم شحة ضوه تعالوا

كافي غياب ارحمونا راح نموت الحكونه
تعالو بداعة البيبان ذيج اليمها عفتونه

يجيكم يوم وتشوفون عبارة مؤسفة وتبجون
بيها اسمائنا ومكتوب ماتوا كثر ميتانون

كعدونه يونس حجيكم قمصانكم زغرت عليكم
ذمة ونذر لو بس تردون وجه وكفه انبوسها اديكم

للنجف جيناكم مصاويب فتحو كبركم يالمعازيب
نبعد واهلنه مايسئلون يعرفونه يمكم لمن انغيب

تذكرون من نكعد قبل عالسفرة يلتم الشمل
يفراكم ماينحمل تعااالوا