ليه تروح
ليه تروح على جنب تبكي
ما تيجي تسند على كتفي
ولقلبي مني انا تشكي
واسمع اكيد شكوتك
واخد بتارك مني بس اوعى تبعد عني
قلبي دة كان مستني تحييه بلمستك
يخونك اللي كان ما بينا
ولا شئ كان يملا عينا
مشيناها سنة سنة
وكان املي فرحتك
وانا دايما كنت اقولك
يا حبيبي قلبك هيدلك
ولا عمره في يوم هيضلك
سكتي هي سكتك
علشانك انا بعت الدنيا
ولا هبعد عنك ثانية
دا العمر معاك حاجة تانية
دة جمالي في ضحكتك
حبك بقي يجري في دمي
مع قلبك بيروح همي
ريح قلبي وارحمني
ده دواه في حنيتك