كلمات اغنية ليش ليش علي المسلم

ليش ليش الله لا ينطيهم البجوني
ليش ليش عايش بموطن رعب خلوني

هاي اوادم مو اوادم ذبحت الطير بسماه
الكمر ضوه ضحك توه ركضوا وباكو باكو ضواه

هاي اوادم مو اوادم بجت الطير بسماه
الكمر ضوه وضحك توه ركضوا وباكو ضياه

ليش من دون الطوايف حضن امه الطفل خايف
وين ننطي وجوهنا ليا ديرة

بين اهلنه نعيش غربة والوطن تيهنا دربه
وين ننطي وجوهنا ليا ديرة

يا حسافة الاخو يشرب دم اخوه
والضمير بلا سعر منه اشتروا

الوادم الفقره تموت والظمير بلايه صوت

ليش ليش لان ماخنت الملح ذبحوني
ليش ليش عايش بموطن رعب خلوني

جرح بينا من ايدينا واحنا ضيعنا دواه
اكو وادم مو اوادم ذبحت الطير بسماه

كل شبر مزروعة وردة مات بين اهله نحسده
مدري هاي الناس شيطلبونه

المايموت اعلى السواتر ينفجر بالسوك باجر
مدري هاي الناس شيطلبونه

نريد راحة بال مانلكاها الدنيا حيرة نحيرينا وياها
تفرهديت كلشي من ادينه محزمة وتفتر علينه

ليش ليش يعرفون الحال ويسألوني
ليش ليش عايش بموطن رعب خلوني

الدنيا زحمة ماكو رحمة البشر مايرحم شجاه
اكو وادم مو اوادم ذبحت الطير بسماه

وين ذيج وجوه اهلنه وجوه متروسة محنة
مدري بالدنيا الذنب لو بينا

واحد يكص راس واحد مجرم يسمو مجاهد
مدري بالدنيا الذنب لو بينا

عدنه راعي البيت بايك بيته ويشتغل للاجنبي تاليته
وين بختك يا عراق يفضح وجوه النفاق

ليش ليش بلا سبب باعوني
ليش ليش بموطن رعب خلوني

الخان داره تلوحه شاره مايضل بجاه جاه
اكو وادم مو اوادم ذبحت الطير بسماه

معلومات و تفاصيل