كيف اوصفك وانتي القصايد والاحساس
وعيونك اعذب من خيالي وكلامه
وانتي اللي قدرك لو بالابعاد ينقاس
شوفي السما واختاري ابعد غمامة
احبك ومن ما يحبك في هالناس
وانتي اللي ذوقك ذوق وحسنك علامة
تعكس اناقة روحك بقلب حساس
وتعطي فخامة ما بعدها فخامة
انتي وانا روح وتكملها الانفاس
وما حد يفرقنا ليوم القيامة
يالجوهرة و يا تاج من عالي الراس
ما ينزل الا و في خفوقي مقامة
لك ضحكة تمسح على الهم والباس
لا شفتها ترسم في قلبي ابتسامة
واقرا عليها من تبارك الى الناس
واحصنك بايات ربي و كلامه
وجهك حبيبي و ما بعد قلبك احساس
و شوفك سعود ايام عمري و مرامه
ان جيتي شفت ترابك بعيني الماس
و ان غبتي وش يملا غلاك و مقامه