كليتنا حبيبتنا ابحضنج تحلى لمتنا
فنون وغالية تبقين انتي الام الما عافتنا

كليتنا ونفخر بيج وحقنا لو تفاخرنا
منج احنه ممنونين وكل الحب الج منا

لقسم المسرح احلى تحية وبوسة حب للتشكيلية
والتصميم نحبه هواي كل هذا الحب للفنية

فنون بحبها لمتنا وفوك النجمة عيشتنا
قسم السينما وياه حلوة تصير جمعتنا

اي قسم الزخرفة والخط اطيب ناس بالدنيا
والموسيقى عشك للروح هاي الكلها حنية

نبقه باسمج نتباهى الضحكة بحضنج شفناها
البيت الثاني الما عفناه الفرحة بدرسج نلكاها

نصيحة ومني يسمعوها الدراسة لا تعوفوها
تره اللي ما درس خسران اي هاي الكلمة افهموها

اي كلنه شكرا البغداد من دهوك للبصرة
مسقط راس للابداع وبيها تولد الفكرة

بيج احقق انا اهدافي الكون بلا حضنج طافي
باجمل عالم عشنا وياج يا اصفى من الماي الصافي