كلهم جربتهم
عاشرت ناس اهواي مو طيبت اكلوب
ومثل الشمس وياي حدهم للغروب يايمه
كلهم جربتهم عمي ما يفيدون
صحبتهم جذب وذيابه ويغدرون
واحدهم يحط بضهري سجين
والثاني بعد يبردها الى زين
حالف ما اصاحب كلهم يخونون
بالك تامن اللي عنده وجهين
يضحك بس يغدرك هوه بعدين
ماينصح ابد وياك لدوم
مايحسب عشرتك ينكر بيوم
بوجهك يبتسم وبضهرك يخون
لو جيبك فرغ ما تلكه صحبان
بس وكت اليسر احباب خوان
هايه الدنيا صارت بس مصالح
والمنهه تعلم هذه رابح
مو كتلك يكلبي لا ميسون