غصة
غصة بگلبي ماتنشاف بس اني الاحس بيها كون بعيني دمعة تصير واخلص منها وابچيها
اني الماوفولي هواي والاذوني مو غربة
اني الگلبه طيب حيل لكن داسوا بگلبه
عشت بدنيا بيها الناس اذا ابيض گلب ينداس
وابو الوجهين والخوان تاج يصير فوگ الراس
اليفهم حالي اجيبه منين ومن احساسي اروح لوين
يمكن من وره الكتمان انام وما افز بعدين
صاير حالي ماينطاق تعبت حيل نفسيتي
حتى بنومي مامرتاح كسرت گلبي وضعيتي
من تفكيري اروح الوين نار البيه ماتطفه
مدري شبية احس مخنوگ وشي ناقصني ماعرفه
شكلي من القهر ذبلان ضايع منكسر ندمان
العاف بگلبي هم وجروح چان بگلبي اعز انسان
من البيه اني اريد ارتاح ضجة براسي صوت صياح
بكسرة گلبي هاي الناس كلمن اخذ حصته وراح