طاولة

اغنية طاولة – انغام

يسأل متى القاك قلب يعنى
بالطعن في اوهامي بكل اصرار

يسال متى الايام لك ترجعنا
واصبره بلقاه مهما صار

قال التفاؤل فيك كم ضيعنا
قلت الدعا قد يعكس الاقدار

قال الليال بعتمها تفجعنا
قلت الليال تنيرها الاقمار

قال الامل كذاب كم يخدعنا
جاوبت موقن كثر ما احتار

به طاولة لا بد ما تجمعنا
اخشابها للحين في الاشجار

قال العمر صحرا عطش تمنعنا
ما نرتوي جاوبته الامطار

بامر الكريم اللي بيده ينفعنا
تهطل وتكسي جدبنا الازهار

قال ان صفو الوقت ما طاوعنا
قلت الاكيد ان الزمن دوار

قال ان تكرار الخطا اوجعنا
قلت الخطا خلقت له الاعذار

قال انت عارف ما لحلمك معنى
قلت ايه عارف بس انا بختار

ابقى انادي لين ما يسمعنا
لولا الاماني ما انكتب اشعار

معلومات وتفاصيل

استماع او مشاهدة فيديو كليب من يوتيوب