كلمات اغنية متجمعين على الخير شيرين مكتوبة
كلمات اغنية متجمعين على الخير شيرين
في حد ساعات بيكون جمبك ومابتشوفهوش
ماتحسش ابدا بوجوده مع انه قريب
في حد يفارق ويسيبنا انما بيعيش جوة قلوبنا
وتغيب الشمس انما اسمه عمره ما بيغيب
في فرق ما بين جسم بيمشي و روح مابتمشيش
واللي انت اكيد سايبه ما بينا ضد النسيان
فرحت كتير واهو جه دورنا ومعاك هنكمل مشورنا
اصل مفيش في الدنيا دي اغلى من روح انسان
وعشان اجيال بعدنا جايين يفضلوا فاكرين يفضلوا عارفين
وعشانك حتة منا وعشان تفضل ما بينا
يفضل اسمك معانا سنين و سنين
وعشان اجيال بعدنا جايين
وعشان مش عايزين نخسر ناس تانيين
هنمدلهم ايدينا وهنديلهم عينينا
احنا اخترنا الطريق دة و فيه ماشيين
طول عمرك بتحس وجعنا ومن غير ما نقول
بنعيش الدنيا باحساسك بنشوف بعنيك
وعشان من قلبنا بنحبك هنوصل حنية قلبك
للناس اللي مانسيوش حبك و اتعلقوا بيك
معلومات
| تأليف | الشاعر امير طعيمة |
| ألحان | الملحن عمرو مصطفى |
| توزيع موسيقي | نادر حمدي |
| ابرز الفنانين المشاركين | احمد حلمي – منى زكي – يسرا – عمرو سعد – شيرين رضا – محمد لطفي – هند صبري – جميل راتب – عبد العزيز مخيون – الاعلامية نجوى ابراهيم – وفاء سالم – مهجة عبد الرحمن – محمد نجاتي – هيثم احمد زكي |
| المناسبة | شهر رمضان 2018 & ذكرى الفنان احمد زكي |
| Animation – Advertising | سعدي – جوهر |
| الدعم | مستشفي 500 500 لعلاج الاورام |
| سنة الإنتاج | 2018 |
| تاريخ الطرح | 27/05/2018 |
| الفيديو | يوتيوب |