شقال عني

بلغوني وصارحوني شقال عني
سولفولي وطمنوا حدب المحاني

والله اني بين ذيب وبين جني
كل ما يطري علي يثقل لساني

اول احبابي واخرهم لاني
ما عرفت الحب قبله لو ثواني

ان ضحكلي ما بقى شي للتمني
وان حكالي قلت ام الاغاني

اشهد اني ذايبن به واشهد اني
تاركن نفسي معه والعمر فاني

لا تلومون السنين اللي خذني
لوموا قلبي يوم خاواه ونساني

يا كبر قدره وسنه حول سني
والعلاقة بيننا عشق وتفاني

قبل يبعد عن عيوني كنت اغني
وابدع لعينه فريدات المعاني

ويوم قفى وقال ببعد اذكر اني
طحت من طولي ولا ادري وش غشاني

صرت اتمتم ليه تبعد وانت مني
شوف دمعي واترك الصدة عشاني

ما تخاف الظلم وذنوب التجني
وانت اطهر من عرفته في زماني

التفت لي وابتسملي واحتضني
وخذني يا علني ولا عساني

معلومات و تفاصيل