ريحة نوفمبر
ريحة نوفمبر كلها حنين واشتياق، لوعود كتير خدناها وخلفها الفراق. لكن نوفمبر عمره مابيخلف بوعده، دايما على معادنا بدون اي اتفاق.
اول مااحس ان القمر ساب السما وسهران معايا، واشم ريحة ذكريات واحس قلبي بيتوجع.
ولما بلمح صورة ليا باقية عندى من حكاية، والقى عيني دمعت بعرف كدة نوفمبر رجع.
الليلة عمر ومش ساعات زي الساعات، حتى الهوا جايب معاه كل اللي فات. مابيبتديش برد الهوا غير لو بدا برد القلوب، غير لما نغرق جوة بحر الذكريات.