كلمات اغنية خطاف قلوب حنين القصير

خطاف قلوب تطلق حالة من الرومانسية كما يلي

الحب دق بابي من بعد الاكتئاب
اول صفحة في كتابي تلميح ويادوب اعجاب

بس بجد النهاردة على كل خد وردة
مانا كنت عايزة من دة وافرح من غير حساب

مبسوطة ومش هداري ولا اخبي الانبساط
غيرت خلاص قراري وحبيت الارتباط

حبك دة اصله مغري ومحستوش من صغري
رجعلي الفرحة دوغري مية وخمسين قيراط

خطاف قلوب قلبي في ايديه مخدش غلوة
كله الا عينيه يخرب بيتهم نظراته حلوة

دة الراجل لما يكون شاري بيطلع احساس اجباري
يتحدى العالم والدنيا لا يخاف م الناس ولا بيداري

عارفين مشكلتي هي اني جوة عنيه بتوه
محتاجة ارفع قضية على كل اللي يشوفوه

علشان لا يبصوا بصة ولا اسيب لحد فرصة
لو اكون على بابه حارسة مش هايكلموه

فرحانة بيك وطايرة مش لاقيه ليك كلام
حاسة اني جوة دايرة متحاوطة باهتمام

والروح بترد فيا وايديك ماسكه في ايديا
دا بجد كتير عليا وغرقت في الغرام