حبنا وحكاياته
كنا سنة حاجة وتسعين
كنا ساعتها صغيرين
كان كل اللي بيملا قلوبنا
في ثانية نقوله بنظرة عين
كان الباب قدام الباب
ولا عاملين للدنيا حساب
اجمل حب الحب اللي احنا
بنحسه ومحناش خايفين
وسنين بتاخدنا سنين بتجيبنا
سنين وتسيبنا سنين
والذكرى اللي مابتسيبش قلوبنا
تسيب جوانا حنين
للعمر اللي ضايع ولطعم الشوارع
والليل اللي سهرناه والاااه واحلى الكلام
حبنا وحكاياته ايامنا اللي فاتوا
لو مهما نعيش ونعيش
دة مفيش زي دي ايام
لسه انا فاكرة وبالتفاصيل
وجع انما له طعم جميل
اول مرة يقولي بحبك
اول نظرة ولمسة ايد
برد الشتا ومطر امشير
في الهوا زي فراشة بطير
لمة جراحي وفاتحة جناحي
كنت بروح بخيالي بعيد