توب الجدع
سنين كتير بينكم وانا شوفت مرازية
حورات وغل ونفسنة وكلام عليا
انا راسي عاليه وفي السما
ولا يوم هطاطي
ومش هفوت او هسيب ولا حاجة ليا
توب الجدع مابقاش يليق علي حد فيكم
قلبي اتوجع منكم اوي الله يجازيكم
عنيكوا وحشه وبصاصين ع اللي في ايدينا
حرام عليكوا ماترحمونا من عنيكم
وانا وانا وانا ولا فيكوا ريحة المرجلة
وانا وانا وانا بطلت خلاص جدعنة
صحاب كتير كدة ع الورق مالكمش فايدة
ملقتش منكم جدعنة لحد انهاردة
خيري عليكم من زمان مطمرش فيكم
ولا شوفت منكم سندلة في حكاية واحدة
عارف تمامكم كلكم مانتوش غلابة
بتاكلوا اكل في بعضكم زي الديابة
مالكمش خير في اللي جمايله مغرقاكم
معقول نسيتوا قوام كدة مين هو بابا
سوادكوا ليه طافح كدة غاوين اذية
معقول في ناس بالشكل دة شياطين عافية
ابالسة عاملين طيبين والشر فيهم
يا انا يا انتوا يلا خلاص كدة بعت القضية