بين وبين

انا القصة اللي لو تسمعها ماتملش .. انا اللي ماليش مكان في الصفحة بتهمش .. وانا اللي الدنيا كارهاني .. ولسة بعقله ماتجنش.

قليل البخت يلاقي الوحدة في اللمة .. ولو فتح .. في عز النور .. يلاقي انه بيتغمى .. بقيت مش بضمن الدنيا .. هعيش املي على الجنة.

انا بين وبين .. مابين ابيض وبين اسود .. بين لونين .. انا فيا خير .. ولا بفسد .. انا ابقي مين .. مبقتش بقدر اني احدد .. مين طيبين.

بقيت بالوقت بتعود .. حاجات تيجي كتير بالعكس .. نفس داخل .. نفس خارج .. مفيش فيا حاجات .. بتحس .. وكلمة حد حس بياس .. بتتفصل .. اهي بالنص.

وبضرب كف على كف وبستغرب .. بشوف ناس قلبها عليا .. بقيت بتشوفني وبتهرب .. كان القرب مني خلاص .. بقي بياذي .. وبيكهرب.