كلمات اغنية بطلنا نحب خليل مصطفى
بطلنا نحب ونسهر
من حبينا شحصلنا غير التعب مو اكثر
بطلت احرق اعصابي عالمايدري بعذابي
كرهتني حتى ثيابي كد ما اكشخ واتعطر
بكلبي الاول تصنيفو وعايش كل عمري بكيفو
اتحضر للرنديفو ويجاكرني وما يحضر
يوميه اني متانق والفرصة لشوفو اخلق
بس يمشي عكس المنطق واتحمل ماني مضطر
بطلت اتعب نفسيتي عالماهمو تضحيتي
صارف صحتي وحنيتي تالي بعينو ماغزر
بطلت اكتب رسايل للي مطنش مو سائل
حبيت المايستاهل وعلمني شلون اتحسر
ردتو مرة يواعدني ليلة بعمري ويسعدني
بس كاضيها معاندني واني الاتعب واتمرمر
جنني وجنن مخي طير وما طاح بفخي
هو يشد وانا ارخي ونتفاهم ما اتصور
شالع گلبي معذبني مو ثوبي وليناسبني
مدري ليش محاربني باسلوبو المايتفسر
بطلت الحب مليتو ادري اتعب تاليتو
الحبيتو وسويتو تالي تعبي ماقدر
بطلنا نحب بطلنا نامن بيهم
الناس الماتقدر العشرة وشجابرنا نباريهم
بطلت امشي بشارعهم من هاللحظة مگاطعهم
كل عمري ما بايعهم باعوا واني الشاريهم
بطلت اصفن واستنى ولشوفتهم اتمنى
والله لو صاروا الجنة يحرم ماني محاچيهم
شنهو القصد بتعذيبي شايلهم نص اگليبي
عشرتهم بث تجريبي واني شعندي مداريهم
بطلت الحب والتوبة يا گلبي اخر نوبة
والمايوفي لمحبوبة تگدر من دونو تگدر