بشارة جبنالج
ها يم الشهيد بشارة جبنالج
وماقصرو ابد هل فازو اولادج
دعواتج يايمه هزت الكون
تعب الدنيا ولدج مايتعبون
على حال العراق تباوع عيون
نحط بسمار يمه بعين شماتج
ندوس عل المنايه خاطر تفرحين
انتي ويه العراق بجرح مجروحين
بفوز المنتخب طيبنه الجروح
بطل دوم العراقي وين ميروح
وحدتو الشعب من كل الاطياف
اويلي شلون فرحة بذني الاهداف
ممنونين منكم يا ولدنا سباع
تردون الحكوك وحكنه ماضاع
الغيره براسكم معروفه هاي اطباع
تامرين عل راسي كلشي يجرالج
نريد الكاس منكم لجل العراق
تره هذا الشعب للفرحة مشتاق
ونريد بشارة هم لساحة التحرير
ونساند كل ولدنه التطلبو التغير