اولى بك انا

وتمر ذكرى وما تمر تستوطن بصدري عمر
وتركتني وانا انتظر على احر من الجمر

تسالني الذكرى واقول لله سلمت الامر
اللي بقى بيلقى سبب واللي رحل يلقى عذر

اسال علي هذي الدروب اللي عبرناها سوى
شلي تغير في القلوب شلي تغير في الهوى

بتجاوبك من كل صوب ما كان في قلبي سوى
حبك وعشق ما يتوب عنك ولا غيرك هوى

في برد ليلك ما دفيت سلبتني ذاك الدفا
ويطول ليلي ما غفيت لو نام قلبك او غفى

غرست ود وما جنيت الا جراحك والجفا
من زود جرحي ما اكتفيت يكفيني يا خلي كفى

بقسى على قلبي انا عن عزتي مالي غنى
ما اقول انت اللي جنيت قلبي على نفسه جنى

اخلصت يا قلبي ووفيت ولقيت هجران وعنا
صدقني ما تسوى عليك يا قلبي اولى بك انا