المح لك
المح لك ابي تفهم وش اللي يدور في قلبي
ولكن مانت راضي بس على التلميح تفهمني
كافي اليوم ابتكلم ذبحني الصمت واخبي
احبك ايه انا احبك دخيل الله تريحني
انا مغرم بشخصيتك وفكرك مرة يعجبني
وذوقك فيه من ذوقي خلقنا ربنا خلان
واذا فعلا تبي تعرف مدى حبي وتسالني
تشوف بداخلي تلقى انت وقلبي لي جيران
اذا تدري يفز القلب الا من صرت في قربي
عليك الله لا تبعد وجودك والله يسعدني
متى يعني بتستوعب متى بتكون في دربي
طلبتك شوفلي صرفة ترى هالقلب ازعجني
جمال عيونك الثنتين عرف وشلون يملكني
لقيت العالم في عينك اشوفه ملتقى الاوطان
انا حتى اتجاهاتي لدربك غصب تاخذني
كانه ما انخلق غيرك على هذي البقاع انسان