كلمات اغنية العيب عليا مصطفى كامل مكتوبة
كلمات اغنية العيب عليا مصطفى كامل
شكرا يا كل اللي نكروا الجمايل
ياللي في حياتي عملوا عمايل
هتوحشوني بجد جدا جدا
ياللي ادتوني درس فعلا هايل
شكرا يا كل القلوب السودة
ياللي في حياتي كنتوا فترة وموضة
حالف يمين كل الادان ما بيدن
والله ما ليكوا رجعة تاني ولا عودة
العيب عليا انا انا اللي علا وبنى
على ايدي دوقتوا الهنا والحب والحنان
العيب عليا انا انا اللي قلبي اتعمى
طلعكوا فوق في السما اخرتها كله خان
اللي ياما برجله شاط واللي وقت الزيطة ظاط
كل دة هعمله ناهية
واللي حاقد واللي غار كله من حياتي غار
بالسلامة في الف داهية
اللي في الوشوش يبوس تدي ظهرك هب يدوس
السواد جوة النفوس كله بان
اللي فكرونا يابا ناس عبيطة مش طيابة
كل شلة العصابة كله خان