الصراحة
الصراحة
علمني بيدك اكثر اريدك
بس كون اریدك من صدك مو بس سوالف
مو بیك اتاجر واترجه باچر
تشفعلي واطلع بالفعل اول مخالف
خنه الامانة وعشنه بخیانه
اشكد صحنه انا وانا بس وين اليوالف
حتی اليضدك صاير يودك
لن ربحه بيك يحصل من دون المحالف
فطرتنه راحت ویه اللي راحت
هسه الحچي بس بالترند واسم الاشهر
انحب النیاحة بس بالصراحة
مانبچي لمصابك بچينه المنهو یحضر
يل جرحك اكبر من فكد الاكبر
احنه النجرحك سیدي ونتعمد اكثر
باسم الخدامة اندور زعامة
لو منبرك لونه حلو یتسمه منبر
ماضینه وینه شیرده لینه
اشكد صحنه ایحسین ومصابه وبچينه
ابذیچ المجالس چان النه واهس
نلطم الك مو للفلس چنه ابايدینه
هسه المنابر باسم الشعائر
اتعلي ذاك الشكله زين او وینه وینه
سامحني اكلك مو كلنه مثلك
بس انته كلبك طیب وساتر علينه