كلمات اغنية الشهم والجدع علي فاروق
الشهم قال للجدع كل الوجع ماشي
خليك جدع يا جدع هاود وقول ماشي
ان قل مالك هرب وان زاد معاك ماشي
صنف الصحاب يتعجبك اسال واحد ماشي
دة في صحبة تبقى سند و فى صحبة ع الماشى
وفي صحبة المرزقة والمصلحة تلاقيهم
قاعدين واكلين شاربين نايمين وماشيين مع الماشى
انظر لغيرك كدة لو في الحرام ماشي
تلقاه جبنان وعويل وبين حاشيته ماشي
اما الاصيل الجدع تلقاه بطوله ماشي
ميخافش غير ربنا زى الجبال ماشي
يشرب مرار ماشي يشيل هموم ماشي
لكن يعيش مذلول اهو دة اللي مش ماشي
واديني ماشي في الحياة عمال اقابل
ادينى متشحطط يا دنيا شمال يمين
اطلع شوية وانزل شوية وادينى صابر
ادينى مستحمل يا دنيا الله المعين
وسط الوجع علشان اعيش عمال احارب
معرفش اداعب البشر طول عمرى خايب
علطول ببات مغلوب انا مببتش غالب
معرفش بس ازاي اعيش بالشكل دة
معرفش ليه كل اللي مني يقربوا
بياخدوا خيرى وفي الشدايد يهربوا
مبقتش تفرق عندي مكسب من خسارة
لو شوفتوا قلبي من اللي فيه تستغربوا
بضحك عشان مااصعبش على حد يواسيني
بضحك وضحكتي قايدة نار بتكوي فيا
بضحك عشان مش عايز انام مكسورة عيني
والله دة انت يا انا صعبان عليا
معلومات و تفاصيل
| تأليف | محمد النجار |
| الحان | مؤمن علي |
| توزيع موسيقي | اسلام شيتوس |
| صولوهات | الموسيقار احمد مجدي |
| تسجيل | استوديو يلا غني (منطقة – الباشا) |
| اخراج | ابو صابر |
| انتاج | الفاروق جروب |
| سنة الانتاج | 2020 |
| الطرح الرسمي | 28/07/2020 |
| الفيديو كليب | يوتيوب |
| من اعماله | نبدا كلامنا الزين | حتة منك | السم |