كلمات اغنية فراق صالونات الجوكر

كلمات اغنية الجوكر فراق صالونات مكتوبة كاملة

كلام أغنية المطرب الجوكر فراق صالونات ، تفاصيل اغنية المغني المصري الجوكر فراق صالونات ، معلومات اغنيه الفنان الجوكر فراق صالونات ، من اغاني الراب الحزينة و الاجتماعية اغنية فراق صالونات اداء الرابر الجوكر حصريا ، صورة بوستر اغنية الجوكر فراق صالونات ، و قد طرحت قناة الجوكر على صفحتها الرسمية في موقع يوتيوب اغنية اوديو جديدة بعنوان فراق صالونات من غناء الجوكر بتاريخ 25 نوفمبر – تشرين الثاني 2018 .

⋐══☀El joker▮Foraq Salounat☀══⋑

---

راجع نفسه و هو بيقفل البابيون ✤ كان مندمج لحد قبل فرحكوا بيوم

سال سؤال لو سألتيه عمرك ما تضيعي ✤ انا هنا لاني عايز ولا لان دة الطبيعي

خلص تعليم و كون نفسه و شعره ابيض سنة

اهله قالوا يابني نفرح بيك خلاص كبرنا

و اختاروكي عشان جميلة و بنت ناس و متعلمة

قعدة التانيه اتشد ليكي و قام ملبس دبل

عمره ما حس لحظة واحدة انك بتكمليه

الحكاية انك ناسبتي شكل حياة لازم يبنيه

كان بيطمن نفسه بإن الحب بيتولد بالعشرة

و ان جوهر العلاقة توازن و ان العشق قشرة

فاق و فكر في اللي جاي بمنطقية ✤ ملايين بمواصفاتها يبقى اشمعنى هي

لو خسرت ميزة هفضل راضي بيها ✤ لو شفت واحده احسن ليه ماتشدش ليها

انتي كمان من صغرك ماختارتيش حاجه بمزاجك

سيبتيهم يخترعوكي بدل ما تسعي لاكتشافك

قالولك كليات القمة اما تبوظ حياتك

و انتي ما شاء الله دخلتي طب باجتهادك

و بقيتي في ركن خلى عدد اختياراتك قليل

الدكتورة تتجوز دكتور يا مهندس بالميت

و بقربك م التلاتين اتزنقتي في ركن جديد

قطر الجواز هيفوتك و انتي لازم تلحقيه

جه و كان باين فيه معظم شروطك في البداية

مع الوقت ظهرت العيوب و غطت المزايا

و فشلتي تغيريه فبدأتي تحاولي تقبليه

مفيش رجوع خلاص بقالكوا سنة اهو مخطوبين

م النقطه دي مكانش ولا هيكون بينكوا الا كبت

كان لازم طرف منكوا يرجع مهما كان الوقت

و اهو دلوقتي افضل من بعدين و انتوا لسة اتنين

احسن ما تاخدوا طفل في الرجلين و بكرة تقولي صدقت

---

كلمات	الجوكر
موسيقى التراك	كريم النبيه
فوكالز الكورال	الجوكر
ميكساج & ماسترينغ	المهندس بولا ماهر
تصميم الفيديو آرت	مصطفى كريم
التصنيف	راب – حزينة – اجتماعية
شركة/مؤسسة الانتاج / المُنتج	الجوكر
سنة الإنتاج	2018
تاريخ الطرح	25/11/2018
بلد الإنتاج	مصر

الاستماع + المشاهدة