اخر اشواقي

توقفت ساعة لقانا بالتمام
على اخر اشواقي معك الا عشر

مكانك الفاضي يبلغك السلام
للحين من بعدك هو اجمل من حضر

شف عالمي من بعد هالغيبة ظلام
موحش وكن الارض مافيها بشر

وينك فقدتك لا سلام ولا كلام
وقتي بدونك في غيابك ما يمر

عمري بدونك يا نظر عيني حرام
اذا انت ما انت بدنيتي مالي نظر

عينك وسيعة تلفت عيون الانام
ماعاد عندي في مقاومها صبر

جمال وجهك غير يا بدر التمام
مالك شبيه بطلتك غير القمر

تعال سمعني دفا صوتك بنام
ما احتاج صوتك يوم احتاجه عمر